近日久未露面的陳子聰大病初癒後首次公開現身，他與廿四味擔任《The Wild Ones Music Festival》的表演嘉賓，陳子聰出場即成焦點，台下不少樂迷歡呼及為他打氣！
陳子聰重返舞台超緊張 談到目前狀況會珍惜身邊一切：你會感恩
子聰表示再踏上舞台感覺開心，笑言每次演出都會緊張。他見到台下觀眾投入，大讚香港Fans好氣氛：「有一樣嘢真係好多謝香嘅港市民，真係好多愛，我喺邊都會走埋嚟祝福我身體健康，真係好感謝！香港人真係好多愛！」
隊友台上飲酒唱歌，陳子聰就話自己戒酒多年，珍惜身邊嘅一切：「我2016年開始已經冇飲酒，我飲夠啦！依家飲食都好清淡，經歷過呢啲階段，你會感恩，你嘅生命會自然乖啲。」而隊友Brain見陳子聰重回舞台感興奮，激動到爆粗為好友打氣：「只要佢搞掂晒，我哋就可以做多啲騷！」
下個月去美國做手術：人生一步行一步，就係咁行！
老婆何超儀透露陳子聰下月將到美國接受手術，子聰坦言有些事情不能急要慢慢來：「人生一步行一步，就係咁行！」
何超儀激讚老公今晚表現：佢身體仲好過我
當晚何超儀亦在場支持，直言老公表現滿分：「其實佢身體仲好過我，我覺得我老公今晚係好型！好在佢聽我話，本來佢好想紮髻，我就叫佢放翻啲頭髮落嚟，仲帶佢去行街買衫添。」
