踏入2025年，不少歌手都在社交平台寫下新年願望，人妻鄧小巧則趕在農曆年來臨前大掃除，在舊物中翻出一張令網民驚艷、中學時代的舊照，她說：「人生冇咩事都真係唔好亂執嘢，一個唔小心見到中六嘅自己真係心都離一離，原來我有咁瘦過。」
舊照所見，長髮披肩的小巧站在背板寫上「第二屆離島區傑出學生選舉頒獎典禮」的台上唱歌，她續解畫表示：「呢個係我人生第一次唱歌賺錢，有$500蚊車馬費，作為學生嘅我真係覺得好多㗎啦，仲記得當時唱《Beautiful Love》。」
她自勉表示，2025年要好好鞭策自己，又表示執屋尋回不少歌唱比賽獎狀，好想裱起。小巧無預警貼出仙氣舊照，網友紛紛留言讚美，「好彩有幸睇過小巧中學時代真係瘦」、「清新小巧」、「勁瘦」、「今年著返呢條裙」，青春氣息滿滿，校園小巧令人懷念，網友不禁心心眼。
上溯小巧的歌手歲月，由2009年參加第一屆《超級巨聲》開始，由巨聲年代開始便以微胖形象示人，而對藝人肥瘦特別敏感的網民未有口下留情，對小巧非常苛刻，就連早年她公布婚訊，亦難逃網民惡言攻擊，就此小巧曾撰文指網絡暴力很可怕，有愛錫她的粉絲力挺偶像，指小巧絕對值得被愛，她本人亦坦言：「得到愛，唔一定要生得靚。」
小巧又曾回覆網友指她「屋企人幫佢改個名做小巧係咪玩佢？」的無禮指控，她說：「我估佢當時係識一個成語叫『小巧玲瓏』所以先改掛，雖然違反商業說明，但我都覺得小巧係好名嚟嘅……」
以實力取勝的小巧用作品說話，沒有妥協於世俗的審美觀，活出自己的精彩人生，近年由獨立歌手轉投英皇唱片再創新高峰，憑《神歌世人》一曲勇奪得五台冠軍，事業愛情兼得，兩年前與加拿大男友「白先生」婚後生活美滿，不時拍片分享入廚樂，成為令人羨慕的幸福人妻。無論小巧是S碼還是L碼，她用心製作的音樂一樣打動到大家，一樣咁值得大家喜愛。
圖片：新城、＠tangsiuhau
