少年警訊同你分享生活，包括宣傳片拍攝、防騙資訊，出trip經歷等，今次《Teen Teen向上》請到秀茂坪區少年警訊會員同啤梨（葉文輝）分享生活。
今集啤梨與三位會員吳為軒（Ricky）、容浚洛（Carson）及陳心妤（心妤）一起聊聊「天賦更重要？定係努力更重要？」這個話題。9歲的Ricky表示：「我認為兩樣都很重要，因為如果你沒有天賦，你的努力則可能追不上正常應有的水平。但如果你有天賦卻不努力的話，都可能會失敗。而如果又有天賦，又努力，就會成功，但係我依然覺得努力比天賦更重要。」11歲的心妤稱：「我覺得其實都重要，如果你沒天賦的話，努力了都會比人差少少。但如果你兩樣都有，又努力又有天賦，就能同其他人一樣。」
心妤追問大家，「那你們覺得自己有什麼天賦呀？」Carson指自己的天賦係打爵士鼓，曾經試過打唔成功而流淚，但最終決定繼續努力，第二次真的得咗，仲攞到第二名，令自己非常開心。Ricky認為自己的天賦係有聰明的頭腦可以同人辯論，遲點自己亦會去參加一個辯論比賽。而心妤就指自己的天賦係彈琵琶：「我小二後期的時候，就開始選擇要學什麼樂器，原本會選小提琴，但之後媽媽話我可能適合中樂多些，於是便選擇了去學琵琶。之後在小四時，開始參加校隊比賽，升小五同小四時都係摞銀獎，但係小五準備升小六的時候，琵琶老師有叫我去參加一個全港公開賽，我最終攞到了冠軍。」
三位小朋友都各有所長，那你們有沒什麼事情，係需要很努力先可以做到，或者感覺自己係某一方面，其實沒那麼有天賦的呢？三人都表示其實並不是很叻讀書，但他們認為如果盡力了，依然考不到理想的成績，不如把專注力擺係其他方面。心妤說道：「不是只有讀書這一條出路，譬如Carson係打鼓方面有天賦，都可以努力打鼓，將來做一名打鼓老師，也可以賺錢的。而我就好想做一個明星，但媽媽話不如讀好書，發揮我係琵琶方面的所長，將來做琵琶老師都好。」Carson則透露試過很努力，但數學考試始終攞不到9字頭的分數：「我打鼓好叻係因為我媽媽之前係夜間學習打鼓，爸爸則有時也會去打鼓，他們的拍子都很准，所以遺傳給我了。雖然我覺得讀書同打鼓一樣重要，但如果將來我做一名鼓手都不錯呀。」至於Ricky就表示長大後希望可以成為一名生物學家，因為覺得生物學好有趣，生物這個世界有無限的可能，好特別，自己很想去深入研究。
Popa隊長的一席話
你相信天分註定一切？定係人可以靠毅力開拓出一片天？我會話兩個因素都會有它們的影響。一個空有天分，但不肯付出努力的人，就好似一把沒出過鞘的寶刀，分分鐘裡面生鏽。就算有天分，都要有耐力同熱忱，遇到挫折都不會放棄，持之以恆，不斷嘗試，先會有成功的機會。這種耐力同熱忱的結合，就係「Grit」啦。想仔女有這種特質？搵到他們的興趣可以話係第一步，因為熱情係令一個人堅持下去的燃料，我們還可以培育仔女的成長心態，等小朋友相信自己係能夠進步的，先會係挫折中繼續成長。
節目下半部分，啤梨請來另外三位秀茂坪區少年警訊會員戴婉瀅（Dorothy）、劉靜湉（靜湉）、杜韞立（Jasper），分享區內精彩活動。
Dorothy表示：「我試過係今年年初二時，去啟德郵輪碼頭的一個煙花間幫手維持秩序。係當間期間，我們亦與所有市民一起欣賞煙花。經過這次的活動，令我明白到當大家賞煙花、食開年飯的時候，不少警察仍然肩負著重要的責任。好感謝他們，如果沒有他們，現場可能會出現好多意外，甚至發生不同的事情。而於當間期間，我也有幫手引開狗狗，遊輪碼頭有好多狗狗及遊人在此散步，但係有些人是怕狗的，所以我們有幫忙引開狗狗，或是同街坊講不要怕，其實狗狗好乖的。」
Jasper則指上一年同今年都有參加高峰對決活動：「我們有跑一些好高的地方，譬如飛蛾山，上到山頂後，正好看到日落。期間大家互相鼓勵，充分了解到Team Spirit的重要性。」
靜湉則分享了今年暑假去廣州參觀黃埔軍校的經歷，她稱除了步操同訓練之外，亦有好多不同的活動可以參加，譬如騎馬、攀石、越野飛車等，大家都玩得相當開心。
另外，玩開劍擊的三位小朋友亦表示，曾一起去澳門參加劍擊交流賽。Dorothy、靜湉、Jasper均指希望長大後，可以做一名出色的運動員：「好的運動員不但要努力堅持練習，他們身上亦有一種堅毅的精神值得大家學習。我們亦希望有朝一日像他們一樣，成為一名出色運動員。」
圖片：新城
