有「小天后」之稱的炎明熹（Gigi）今天（28日）到新城廣播有限公司宣傳她2024年的第一首主打歌曲《透光者》，她接受電台主持黎莉《勁爆樂勢力》的訪問時，坦言這首歌原本是想推掉：「首先我覺得係自己能力問題，同埋我覺得我處理唔到，同埋平時同我唱歌方法未必適合唱呢首歌，雖然我好鍾意呢個旋律。但係我覺我呢首歌有個好處，可以畀我試唔同嘢同埋令我進步。」
Gigi講新歌最困難係用聲：係一次歷練機會
每次唱《透光者》Gigi形容是一次令她進步機會，但談到最困難的地方是用聲方面，「每次都要用真聲同假聲之間個音區，我唔係咁熟練，因為以往比較少唱，我唔係咁識呢種方法去唱，係一次歷練機會。」
靠睇小說代入有戀愛感覺
新歌MV中，Gigi是一個透明的生物，她表示MV裡她喜歡的男生看不見她，而那位男生則穿透她去看喜歡的女生，因此Gigi非常傷心。而從未拍過拖的Gigi在處理感情方面，笑言用幻想方面去代入戀愛及傷心的感覺：「例如我睇啲小說我都會幻想個情節，我會睇開穿越小說。」
Gigi排舞前病足一星期 最終要跳Free style
另外MV中Gigi會跳舞，不過這方面從來也不是她的強項，「其實我鍾意跳舞，但未必會好似唱歌練咁耐，所以今次演唱會時候幫助到我好多。同埋呢個MV裡面本身要排舞，但我病咗一星期咁耐，少咗好多時間練，所以現場做咗一啲Free style嘅動作。」
