少年警訊同你分享生活，包括宣傳片拍攝、防騙資訊，出trip經歷等，今次《Teen Teen向上》請到中區少年警訊會員同啤梨（葉文輝）分享生活。
今集啤梨與兩位會員何嘉軒（Hanson）及劉廷謙（Morris）一起聊聊「與爸爸的相處日常」這個話題。11歲的Morris係屋企中的獨子，而9歲的Hanson就有1個1歲半的細妹。啤梨問兩位小朋友：「爸爸在你們心目中是點樣的呀？」Hanson稱爸爸有時很嚴厲，有時就很溫柔，譬如考試攞到好成績時，會稱讚同鼓勵，但有時做錯了事情時，則會很嚴厲的去罵自己：「我覺得有這樣的爸爸陪在身邊，其實並不會太悶，爸爸成日同我打籃球、打乒乓波，爸爸以前係我們學校的校隊隊員。另外，我自己好鐘意煮飯，爸爸每晚都會係屋企煮飯，我同爸爸有相同的興趣。」
Morris則表示：「我的爸爸有時會好惡，但有時也好搞笑。有一次英文默書，10分我攞到9分，爸爸話差一分要打。但他常常同我一起打波，我鐘意游水，爸爸也會陪我一起游水。有這樣的爸爸，我也覺得好開心。另外同Hanson一樣，我平時也鐘意煮飯，而我爸爸也鐘意煮飯。我成日係IG上見到一些煮飯的視頻，都想自己嘗試下煮嘢食。」
爸爸係兩位小朋友心中都佔據了重要的位置，啤梨哥哥問他們：「如果想變一個魔法，你們希望爸爸擁有什麼特別的超能力呢？」鐘意跑車的Morris稱好想爸爸變成億萬富翁，而Hanson就希望爸爸可以飛：「我唔係好鐘意食學校的飯，如果爸爸會飛的話，就可以買點外賣送過來俾我啦。」
Popa隊長的一席話
唔知你哋屋企的爸爸係點樣的呢？有心理學家話，爸爸原來有幾個類別，有些爸爸特別注重成績同成就，要做到他的要求，先會得到他的愛；有些爸爸就好易情緒爆發，習慣了打同鬧；也有一種爸爸，係愛你，但係唔識得溝通，於是用物質去表達愛；仲有一種係缺席型，完全不會參與照顧小朋友。這幾種爸爸，對仔女的成長都有一些負面的影響。如果你屋企的爸爸會願意花時間陪伴同聆聽仔女，也會正面去鼓勵仔女，識得去發掘孩子的優點，那就真的恭喜你啦。這類爸爸叫做良師益友型，對小朋友的成長有十分正面的影響，希望爸爸們千萬不要睇小自己的影響力，只要肯改變，每一位爸爸，都可以成為仔女的良師益友。
節目下半部分，啤梨請來另外三位中區少年警訊會員黃炤叡（Quin）、袁伽臻（Hilton）、張焯嵐（laam），分享區內精彩活動。
加入中區少年警訊3年的Quin稱，以前每次去荷里活的會所時，都會經過石板街，那裡有一些舊式的燈，設計也比較西式，非常適合打卡：「平時行完石板街後，第一眼就可以望到大館，中區少年警訊有一些活動會在大館舉辦，譬如社區劍擊比賽，我同Hilton及laam都參加過這個比賽。」
問到加入中區少年警訊最開心的事時？Laam指自己好鐘意身上穿得這件jpc衫，是中區少年警訊自己設計的。三人亦稱聖誕時，中區少年警訊會舉辦聯歡會，大家有得食、有得玩，仲可以抽獎。另外，之前50週年開放日時，大家也一起去參觀了廉政公署，還品嘗了超受歡迎的廉政咖啡呢。
圖片：新城
