仍然密鑼緊鼓巡演中的《Twins Spirit 演唱會》北美演唱會，來到最後一站RENO，孖妹開騷前竟遇上當地發生6級地震，非常驚險。
事發於上周五（6日）早上十時許，睡夢中的蔡卓妍（阿Sa）忽然被聽到房中傳出『啪啪』聲，起初以為有人拍門，定神後發現連房中玻璃窗都在搖晃，阿Sa憶述事發情況：「我打電話問工作人員，係咪地震呀？佢地重笑我發開口夢。但係我見到我房浴缸，我放左一缸水，等空氣唔好咁乾，成缸水都搖到有波浪，我好驚呀，未試過感受到咁強地震，即刻就跳上床縮左係一個頭頂冇任何嘢地方囉，我唔知震幾耐嘛，間房天花板上面有個大燈，不過好彩盞燈又冇乜點大搖。但我都其佢會跌落嚟。」
意外就是意料之外，但機智的阿Sa早在地震來臨前已發覺有異樣，「唔怪得到步之後，有一個工作人員，係酒店用指南針踱方位，幾次都踱唔到，我地重講笑話，係咪有鬼。」長知識！地殼變動構成地球磁場發生擾動，「應該係地殼係前一日已經慢慢移動緊，所以就踱極都怪怪咁。」至於爛瞓的阿嬌就卻完全感覺不到地震，她笑言，「我訓繄覺，真係乜都感覺唔到。哈哈。」
是次北美巡演，到尼瓜拉瓜大瀑布時，兩人一同於瀑布合照，阿SA於IG上放了她與可嬌17年前及這次最新影的合照，笑言想唔認老都唔得。但歌迷就留言，兩人像一點也沒變過一樣，同17 年前一模一樣。阿SA笑言，「歌迷成日問我，係咪冇食飯，點解咁多年個樣冇變，點會冇食飯，我係今次北美巡演，已經破晒戒啦！又過生日呢，所以咩甜嘢，炸嘢，澱粉質都唔理啦，全部都食齊，哈哈。返香港就要『還』啦，要戒返口同做返運動啦。之後返去就要幫電影做宣傳，到12月尾去英國演出完，先至真正有假放。好期待英國站見下英國歌迷，又好期待之後放假係英國玩。」
至於阿嬌返香港後便返北京工作，對於歌迷大讚佢keep得好，十幾年都咁靚，阿嬌表示好耐冇試過同阿SA一齊巡演咁耐，好開心，今次行程冇咁密，大家都有一齊去行下街影下相玩下咁，細個成日一齊出埠工作個種感覺返晒嚟，都好珍惜今次旅程，唔知下次會係幾時啦。但係無論將來會唔會再有巡演，我地兩個都永遠會係好朋友囉。」連地震都共同經歷過，Twins呢對好拍檔，打風都打唔甩。
圖片：大會
