林奕匡（Phil）日前，帶住新歌《搖籃下的歌》現身新城為多個節目做錄音訪問，兒子Darrien還在初生階段，作為新手爸爸初體驗湊B生活，太多感受要跟新城廣播聽眾分享。
作客麥卓華節目《音樂.聲.華》，Phil向主持人談到對下一代「追夢」的看法，小麥問他想不想兒子長大後繼承爸爸衣缽入娛樂圈？Phil秒回「唔想」，他解釋道：「我唔想佢入行，反而唔想，因為真係難，我自己都知道，係呢行揀你，唔係你揀呢行，唔想佢承受太大痛楚。」追夢還追夢，現實歸現實，父母總是希望孩子行一條平坦的路，「我要追一個夢，但不能用呢個夢搵食；夢可以照追，都要有back up。」
想得太遠？計劃趕不上變化，小朋友天天都在變，「我都會想他有自己鍾意嘅嘢，如果他鍾意（音樂）我會幫佢……」興趣與職業分開又何妨？是爸爸的心聲，小Darrien將來會如何？有無限可能。
錄音訪問後，Phil跟「新城八大家」聊到照顧Darrien的日常，新手爸爸提醒各位準爸爸，湊初生BB不只餵奶，問題天天都多，「BB會有好多情況，每日都要做運動，要畀啲挑戰佢，鍛鍊佢快些可以抬起頭，要Tummy Time又要沖涼……」
小Darrien是乖寶寶，都有扭計的時候，爸爸全天候on duty，喊聲像警鐘，刺激林奕匡神經，「一聽到喊聽，無論做緊乜嘢都要立即放低，好似我今朝沖咗杯咖啡都冇時間飲，他一喊我就衝去take care他。」在湊小朋友方面，自覺邊part做得最好？答案竟然是——協助囝囝去便便。
「大家好合拍，他坐在我大髀會較容易發力，每次他有便意我都知，我會幫他搓下肚仔，令他進行時順利些，完事後立即幫他換片，之後就乾淨豬。」Phil笑言不怕兒子的「Poo Poo」，絕對是太太的神隊友。「換片的過程都好刺激，有時打開條片會驚佢突然『斟茶』；便便完抹乾淨pat pat又會驚佢再痾，試下沖涼中途痾落我對手上面，質感就好似芥末醬。最享受就是見到佢好自在舒服嘅樣，知道我幫佢抹，佢又識得抬起對腳仔，好得意。」詳細訪問內容，請留意11月14日晚上10:30pm、新城知訊台《音樂.聲.華》節目 ，收聽網址：https://www.metroradio.com.hk/MetroInfo/
圖片：新城、IG@saxyphil
