久未露面的炎明熹（Gigi），一係唔露面，一露面就為大家帶來「驚」喜，以白面女鬼造型潛入樂園哈佬喂，扮鬼的照片在社交平台鋪天蓋地流傳，令網民又驚又喜，「驚」就唔使多講啦，「喜」就是見到神隱中的Gigi一如以往咁活潑鬼馬，似乎未有因為近月的工作狀況太擔憂。
Gigi在哈佬喂樂而忘返，於萬聖節前夕在社交平台撰長文向fans訴心聲，「一係就唔講，一講嘢就講多啲！一係就唔玩，一玩就要玩盡啲！」她說好開心可以跟聲夢學員過Halloween，謝謝主題樂園邀請，謝謝大學同學操刀幫她化妝，笑言當晚好熱，因為怕凍的Gigi竟然在白袍入面穿了一件Heattech打底，真係鬼咁熱呀！
她又自評今次妝容非常詭異，「我化完妝之後，不對，就嚟化晒嘅時候我就已經開始笑，笑到上車去到海洋公園嘅時候仲繼續偷笑緊，勁驚人哋以為我係咪發生咗啲咩事，再加上呢個妝然後就好詭異（又押韻咗）。」
更向大家分享入鬼屋時跟聲夢學員林沚羿及潘靜文互動的情景：
Venus：好恐怖啊，好恐怖啊，嘩！後面仲恐怖(即係我🙂↕️🙂)
Sherman：Gi你個樣好恐怖🤣
Gi：我已經用力扮緊可愛👉🏻👈🏻🙂↔️
果然恐怖冇藥醫🤧🙂↕️
鬼馬的Gigi除了挑戰扮鬼，更成功解鎖兩個機動遊戲，「我挑戰咗海洋公園我最唔敢玩嘅2個項目，但係因為你哋令到我又成就解鎖咗，唔太驚仲覺得幾舒服！大家可以估吓邊兩個項目？仲要一挑戰就挑戰最高係數→坐最尾！不過我係咁同自己講趁住呢啲年紀就要多啲嘗試，果然不同凡響，下次一定要再玩過！」
最後更向「Gi炎粉」提問——大家以後見到我會唔會有陰影？欣賞Gigi認真對待每件事，由工作到玩都全力以付，認真地玩，期待明年萬聖節，百變Gigi又會為大家帶來甚麼驚喜？
圖片：IG@yumichung1221、yiminghay
