奮鬥16年衛詩雅首奪影后 曾做配角做到懷疑人生

第39屆華鼎獎日前（23日）於澳門舉行，去年憑《不日成婚2》首獲金像影后提名、最後與獎項擦肩而過的衛詩雅（Michelle），終憑電影《破·地獄》獲得第39屆華鼎獎「華語最佳影視女演員」，初嘗影后滋味。

近年在屢獲電影獎項提名的Michelle表示這個獎項對她來說太重要，「對演員嚟講係一個肯定。亦都係提醒人哋：『我仲喺呢行㗎，大家可以搵我演戲。』憑《破·地獄》呢套電影得到嘅獎項即係代表大家好喜歡我哋嘅電影，所以好開心。」今年6月尾，衛詩雅宣佈與拍拖兩年半、在中環開設大型醫學美容中心的醫生男友周祉安結婚，絕對是雙喜臨門。