堪輿學家麥玲玲今天（22日）出席品牌活動時，講到經常與李龍基合作，問到最近男方與女友負面新聞不斷，有沒有關心對方。麥玲玲表示與李龍基並不熟悉，但對於他在對愛情方面非常欣賞。「如果佢到呢個年紀，對愛情仍然有希望嘅話，當然希望有情人終成眷屬，因為佢話等佢出嚟就結婚啦嘛，咁痴心情長劍，又不離不棄，到呢個年紀好難得係唔係。愛情就係盲目，大家唔睇好通常係要咁做，最緊要當時人開心同埋知自己做緊乜。」
麥玲玲指好少人搵佢再問愛情一事
麥玲玲笑言這個年代，找她的人已經很少會再問愛情一事：「依家經濟唔好，我覺得啲女仔唔會咁啦，唔問愛情啦，問財運。剩返基哥先係咁咋。」
麥玲玲爆指二人相處甜蜜：成日同佢抹嘴架
麥玲玲又爆其實平時看見李龍基以及未婚妻的相處是非常甜蜜：「成日同佢抹嘴架，我咪話基哥咁痴心情長劍其實有原因，我哋用佢嘅角度，可能真係好照顧佢對佢好好呢。」
