新城廣播《Z世代咪高峰會》直播室，是日（25日）邀得梁式昕（Catrina）及THAIMAY現身「得閒High Tea」，宣傳新歌《講夠未》及《You are so cool》。Catrina與主持T.MAX（海淦清）相識在於新人時，T.MAX初次在電視台做主持已訪問對方，憶起對Catrina始初印象，「以前佢攣頭髮，有一種稚氣。」還是新人的Catrina，笑指所有人都好快，JY即打趣說：「有冇諗過唔係世界太快，而係你太慢？」又指經常update對方，不察覺Catrina變化。
變幻原是永恆，尤其是少女。像近大半年專注拍戲的THAIMAY，小別樂壇後帶來一首既girly又帶點sexy的《You are so cool》，久未以歌手身份現身，坦言擔心被遺忘，「突然有一下好驚，會唔會以後都冇機會讓大家透過音樂去認識我呢，好珍惜曝光機會，同時又好擔心會出洋相，埋頭埋腦拍戲這9個月，知道曝光率唔係必然。」Casting成功接獲電影及劇集角色各一，THAIMAY首登大銀幕在即，她說會繼續努力曝光，讓大家進一步認識自己。
Z世代背負壓力不少，來自日常生活的還有「流量」，作為偶像歌手，THAIMAY有更深刻的頓悟，「每次出po都會追like數，而家明白咗一個道理，流量不等於說服力；好多人都有影響力，都未必有好多流量。」流量密碼，不用靠演算法，人人心中自有標準。
正如Catrina選擇以獨立歌手身份行音樂路，想休息就去旅行，想增值就搵嘢學，「覺得自己需要休息，這段時間我去過墨爾本睇Taylor Swift演唱會，把它當成是『遊學團』；我在大學時主修古典樂，主要學色士風，一直希望編曲會用到這個樂器，我亦有爭取時間上演戲、唱歌堂。」成為獨立歌手，Catrina人也變得獨立，她說：「數學叻咗好多，製作一首歌的成本與開支，全部都要計數。」Z世代要自主，Catrina新歌《講夠未》是一個提醒，「身邊有好多聲音，聽到好多唔同意見，有時講得太多都未必好，不如大家都唞下啦。」更多精彩《Z世代咪高峰會》節目內容，請重溫：https://shorturl.at/8t0PP
圖片：新城、IG@thaimay_spicy、catrina_leung
