要數娛圈馳名星級粉絲，自《中年好聲音2》開始追隨譚輝智的狄波拉，可算是追星天花板。謝家一屋巨星，就連拉姑現任飛機師丈夫江耀城都一派帥氣天生明星相，但拉姑偏偏就是對素人出身、因參加「中二」勇奪亞軍而廣為人知的譚輝智情有獨鍾，在比賽期間已深深被對方迷倒，亦不介意公開表示會支持對方，深得其他FC迷愛戴。
日前一班粉絲與譚輝智舉行40歲生日會，拉姑帶埋老公雙雙現身，兩人甫到場便炒熱現場氣氛，眾人大叫「拉姑！拉姑！」，場面熱鬧又溫馨。到生日會高潮的切餅儀式，壽星仔譚輝智現身小舞台中央，向主家席上的拉姑講出一段感人說話，感觸道：「第一次知道佢話支持我，呢一日我永世難忘，呢個人就係拉姑，我的生日同你好接近，雖然你是十月尾，但那幾日我出埠工幹不在港，不如今日一齊切蛋糕！」
說時遲那時快，說罷工作人員已將輝智為拉姑準備好的禮盒花型蛋糕推出，對於這個突如其來的驚喜，拉姑一時間反應不來，驚呆數秒後才欣然應譚輝智的邀請，到台前跟壽星仔一同切蛋糕，在輝智帶領下，眾人為拉姑唱大合唱生日歌，令忽然成為生日會主角的拉姑感動不已，頻頻說「多謝，好幸福呀！」
未幾即向眾人道出心底話：「我七十幾歲人未試過咁樣，在咁短時間，我哋可以咁支持一個人，包括我在內。一開始喺屋企，我畀所有朋友都笑，話我癲咗！我今晚仲要帶埋我飛機師老公嚟，睇下呢個真嘅譚輝智，呢個人到底有啲乜嘢……可以令到我咁樣。」
完全感受到狄波拉對譚輝智的真摯感情。生日會尾聲，作為忠粉的拉姑呼籲現場所有fans：「大家要一條心支持輝智，睇住他每日進步。」壽星仔見狀立時拍拍拉姑肩膀，開心又感動，盡在不言中。
圖片：IG@tamfaichi、小紅書
