新晉歌手范明熙（小V）、藍曉瑩（NamNam）和黃奕斌（Hugo）日前在新城廣播，接受由T.MAX（海淦清）和JY主持的《Z世代咪高峰會》訪問。拍攝大合照時，大家玩到打成一片，由於Hugo個子高大，NamNam和小V要向前企出一步，身高才不致於相差太遠；及後，T.MAX化身大細路，模仿3位嘉賓影相，他事後笑說：「最緊要開心吖嘛！」
在節目中，談到工作方面，Busking出身的NamNam透露最近推出新歌《求救信號失效》，她指歌曲講述依賴一個人的時候，難免會發出很多求救信號，「當求救信號失效嘅時候，其實都要依賴番自己，所以要珍惜當下。」JY突然有感而發說：「呢首歌可以做呢個節目嘅主題曲，因為我嘅拍檔成日都亂嚟！」T.MAX聞後一笑而過。
至於小V在7月推出新歌《隨便放閃》，這首歌講她的日常生活，跟自己喜歡人、事、寵物放閃。T.MAX接著說：「小V嘅IG，成日同狗放閃，有次佢隻狗嘈醒佢，30幾度都要落街，佢又放閃。」小V笑說：「真係好熱呀！呢首歌嘅MV亦有我啲狗仔、粉絲送畀我嘅生日禮物，我都放喺MV入面，拍嘅時候都幾開心。」她表示跟狗仔一起拍MV是開心事。
Hugo提到新歌《currenT》帶出相信自己的訊息，NamNam說：「我唔信自己，尤其是做呢行，要攞一個謙虛嘅心，但又唔可以自大、自滿，不過點樣攞到平衡，要身邊嘅人畀認同你，先可以支持到你去信自己。」
《Z世代咪高峰會》節目重溫：https://shorturl.at/8t0PP
圖片：新城
