由新城廣播知訊台及香港電腦商會合辦「香港傑出數碼品牌大獎2024」，今日假會展舉行，表揚各行業表現優秀的企業，獎勵各企業為香港建立數碼城市與生活的貢獻，經過評審團的遴選，最終選出11間在各自領域表現傑出的公司。而歌手馬天佑（Mayao）及周子涵（Kerryta）在台上分享使用數碼服務的心得，兩人表示每天花至少6、7小時上網，Mayao說：「一起身就係電話，返到公司就用電腦，放工又用番電話。」Kerryta指自己多用智能電話。
活動中，新城廣播有限公司總經理（商務及市場拓展）梁耀宗先生、新城廣播有限公司總經理（節目規劃及頻道運作）朱子昭先生、新城廣播有限公司總經理（項目及商業事務）朱靜宜小姐；與及香港電腦商會主席洪英峯先生及一眾會董、香港資訊科技商會會長鍾孝揚博士、香港物聯網商會會長莊毅堅先生、中國香港電競總會創會會長楊全盛先生, JP、香港無線科技商會會長李勁華先生、英國電腦學會(香港分會)主席鍾一鳴先生、香港電腦教育學會顧問鄭志鴻先生均有出席支持，大會司儀則由思敏擔任。
Mayao接受《新城八大家》訪問，他指科技對他而言十分重要，「我日日都要攬住部電話，因為我玩Social Media，上個禮拜電話嘅screen無啦啦凸起咗，我拎去電話舖整，佢話用得太多，電池發脹咗，因為我工作範疇超級需要電話，片係自己剪，相都係自己執，Post都係自己出。」提到科技對音樂上亦有著很大的影響，Mayao續說：「而家有樣嘢叫Auto Tune，例如喺現場唱嘅時候，可以即場Tune少少音，好多歌手都有做。（點睇AI音樂創作？）我唔抗拒，可能我未到嗰個層面，所以未威脅到我，但我好主張科技用於生活。」
至於Kerryta亦言，科技令生活更方便，「係一個好好嘅輔助工具，影相拍片，好幫到我Keep住記憶，以前要去曬相，又要過膠，而家會生成一個Video，好方便，屋企亦都有好多智能產品，例如電腦、風扇、吸塵機，呢啲都走唔甩。」而思敏亦覺得科技令生活上、工作上，得到更好的效益，她說：「以前做節目，最初係要影印報紙，而家搵資料，就可以上網搵，好方便，就算我個人唔喺公司，只要有部電話或者電腦，已經可以搞掂晒啲嘢，唔使一定要返公司搞；喺生活上，例如叫外賣、剪片、Social Media、理財，都已經數碼化，好方便呀！」
「香港傑出數碼品牌大獎2024」得獎名單：https://shorturl.at/49Z19
圖片：新城
