譚嘉儀昨日現身新城廣播，接受由黎莉主持《勁爆樂勢力》訪問，宣傳新歌《Be with You》，節目中，兩人聊得十分開心，無論傾甚麼話題，譚嘉儀的笑聲震懾整個直播室，喜悅之情感染現場每個人，差點笑到失控的情況，黎莉笑說：「點解每次同譚嘉儀做節目都係咁。」問到平時是否以真性情做節目主持？譚嘉儀說：「都係，除咗有時唔係之外，哈哈哈……其實睇下對手係邊個㗎咋，之前我主持過《流行經典50年》有限，《勁歌金曲》都係傾番啲歌嘅嘢，但呢啲訪問free啲。」
對於她找來一位外籍男士擔任新歌MV男主角，譚嘉儀說：「我同團隊一齊揀，好多外國人嘅CV都係180cm或以上，無論佢哋揀邊個都好，都係咁高，無可能矮過我先啦，哈哈哈……」譚嘉儀在MV中，不乏與男主角談情的場面，其中一幕，她更挨在正在駕車的男主角胸膛，認真Sweet。
黎莉問她跟男主角如何培養感情？譚嘉儀表示：「我哋之前完全唔識，好怕會尷尬，真係會㗎，我會怕羞，同佢寒暄咗幾句，佢都好好，佢都有答我問題，跟住就開始拍，去到中段，佢都演得好放，其實同佢都幾啱傾，都幾玩得埋，令到拍攝氣氛都幾搞笑。」
提到10月將舉行兩場演唱會，譚嘉儀坦言好恨開，她說：「對上一次已經係兩年前，上次開完之後，真係有舖開騷癮，每次開騷都學到好多嘢，因為成個騷都要自己帶領住，有咩message帶畀觀眾，佢哋直接對住我大約兩個鐘，會更加知道我係一個點樣嘅人，原來係咁搞笑。」講完又不停笑一輪。
提到她曾邀請羅啟豪出席其新歌發布會，當時對方表示很想有合作，問她會否請羅啟豪擔任演唱會嘉賓？譚嘉儀說：「嚟緊想有合作，我都想搵佢合唱，擺片上YouTube。」
