《福祿壽訓練學院》真人騷成員黃建東（Derek）和趙頌宜（Maggie）日前在新城廣播，接受由薛家燕、范振鋒和思敏主持的《開心大派對》之「開心家訪」錄音訪問，並於明天(17日)播出。曾於2014年與王祖藍主持《Sundy扮嘢王》的家燕姐，大讚Derek和Maggie是扮嘢高手，但她有感扮鬼扮馬並不容易，「之前我哋一個騷要扮兩、三個角色，做完先知扮嘢係咁難。」
加入無綫已經13年的Derek，對演藝事業充滿熱誠，家燕姐問他參加扮嘢比賽有甚麼難忘事？Derek表示：「參加呢類節目比較難，因為之前成日扮嘢，都扮過女人同扮阿伯，仲有咩新鮮感畀大家呢？同埋扮聲唔係我強項，所以心理壓力好大，我擅長浮誇，但祥師兄（阮兆祥）要我收（歛）啲，收係一個難度。」
至於在選秀節目《聲夢傳奇2》中被彈台風「一碌木」的Maggie，自爆小時候已經熱愛模仿，所以參加《福祿壽訓練學院》，Maggie表示：「我細個已經好鍾意扮嘢，見到咩好笑嘅人就扮，試過扮郭晶晶。」家燕姐激讚她：「你喺節目到扮蔡琴真係好成功。」Derek亦表示：「佢綵排嘅時候好似冇信心咁，到正式時就放晒出嚟。」
Derek和Maggie因為「好戲」而獲得家燕姐賞識，帶挈兩人返內地登台搵真銀，家燕姐透露：「我返去開會時提佢哋個名，大家即刻話好想見佢哋，咁我話返去問下佢哋得唔得閒，今次好難得同佢哋一齊上去。」
詳細精彩內容，請留意8月17日，下午3時至4時，新城知訊台《開心大派對》節目 ，網址：https://shorturl.at/tDiOr
