《福祿壽訓練學院》真人騷成員黃建東(Derek)和趙頌宜(Maggie)日前在新城廣播,接受由薛家燕、范振鋒和思敏主持的《開心大派對》之「開心家訪」錄音訪問,並於明天(17日)播出。曾於2014年與王祖藍主持《Sundy扮嘢王》的家燕姐,大讚Derek和Maggie是扮嘢高手,但她有感扮鬼扮馬並不容易,「之前我哋一個騷要扮兩、三個角色,做完先知扮嘢係咁難。」
![娛樂-開心大派對-黃建東-趙頌宜](https://metro.hk/wp-content/uploads/2024/08/左起_思敏、趙頌宜、薛家燕、黃建東-scaled.jpg)
加入無綫已經13年的Derek,對演藝事業充滿熱誠,家燕姐問他參加扮嘢比賽有甚麼難忘事?Derek表示:「參加呢類節目比較難,因為之前成日扮嘢,都扮過女人同扮阿伯,仲有咩新鮮感畀大家呢?同埋扮聲唔係我強項,所以心理壓力好大,我擅長浮誇,但祥師兄(阮兆祥)要我收(歛)啲,收係一個難度。」
![娛樂-開心大派對-黃建東-趙頌宜](https://metro.hk/wp-content/uploads/2024/08/黃建東、趙頌宜-scaled.jpg)
至於在選秀節目《聲夢傳奇2》中被彈台風「一碌木」的Maggie,自爆小時候已經熱愛模仿,所以參加《福祿壽訓練學院》,Maggie表示:「我細個已經好鍾意扮嘢,見到咩好笑嘅人就扮,試過扮郭晶晶。」家燕姐激讚她:「你喺節目到扮蔡琴真係好成功。」Derek亦表示:「佢綵排嘅時候好似冇信心咁,到正式時就放晒出嚟。」
![娛樂-開心大派對-黃建東-趙頌宜](https://metro.hk/wp-content/uploads/2024/08/10.jpg)
Derek和Maggie因為「好戲」而獲得家燕姐賞識,帶挈兩人返內地登台搵真銀,家燕姐透露:「我返去開會時提佢哋個名,大家即刻話好想見佢哋,咁我話返去問下佢哋得唔得閒,今次好難得同佢哋一齊上去。」
詳細精彩內容,請留意8月17日,下午3時至4時,新城知訊台《開心大派對》節目 ,網址:https://shorturl.at/tDiOr