衛詩雅（Michelle）日前現身新城廣播接受譚玉瑛、何基佑及麥皓兒主持的《QK玉瑛室》訪問，提及怎樣與Michelle如何結緣，譚玉瑛表示早年應張敬軒邀請，到其家中參與聖誕派對，她說：「當日好多人，多人到都唔知見到邊個，但係Michelle嘅裝扮好靚，頂帽又大又靚，吸引咗我望住佢，跟住就走埋去認識佢喇！」
兩人的相識，Michelle笑指當時既驚喜又開心，從來沒想過由細看到大的「譚玉瑛姐姐」會主動跟自己聊天，「阿譚同我想像中嘅唔同，以為佢會唔講嘢、好嚴肅，但佢好nice，主動同我傾偈。」譚玉瑛爆料指Michelle當時的男朋友都在，並大讚對方靚仔。此時，剛接受醫生男友周祉安求婚的Michelle卻一臉尷尬，她立即澄清：「唔係嗰個，而家我未婚夫仲靚仔，好驚，哈哈！」
Michelle否認自己是外貌協會會員，她認為結識異性，最重要是跟對方的價值觀相近，對方的才華亦令自己很崇拜。問到未婚夫有甚麼東西令她很崇拜？Michelle說：「任何嘢，我覺得佢好叻，每次問佢問題，無論學術、藝術或者心靈上佢都解答到我，我係好感性嘅人，佢好理性，可以拉得住我。」
此外，Michelle十分好學，多年來考獲導遊、救生員、鑽石鑑證及船牌等，由於未婚夫做醫美行業，她透露10月又會考美容及化粧品等美學應用，「我未婚夫啲皮膚好好，又成日研究啲化粧品，我想跟到佢嘅步伐。」
《QK玉瑛室》節目重溫：https://shorturl.at/00qQn
圖片：新城
