新城廣播有限公司於7月1日成立的全媒體網絡電視MBO TV，24小時為大眾獻上精彩節目，包括藝人明星歌手訪談、娛樂、音樂、財經、教育、兒童、體育、民生、清談、雜誌式資訊、文化及生活等。試播一個月，口碑甚佳，得到外界一致讚賞。今日，MBO TV在銅鑼灣舉行Launch Party，宣布MBO TV正式開播。
為見證這件盛事，一眾管理層新城廣播有限公司董事陳雲美小姐、董事總經理宋文禧先生、首席營運總監馬浚偉先生、總經理（商務及市場拓展）梁耀宗先生、總經理（節目規劃及頻道運作）朱子昭先生、總經理（項目及商業事務）朱靜宜小姐擔任主禮嘉賓，並與MBO TV台長葉文輝（啤梨）先生、MBO TV高級監製麥卓華先生、新城財經台台長魏美珍小姐、新聞部總監林潔瑩小姐、新城廣播藝人經理人及項目總監范振鋒，以及一眾新城節目主持胡孟青、林淑敏、陳以禔、羅沛琪、譚玉瑛、何基佑、黃筠兒、麥皓兒、T.MAX、思敏、倪詩蓓、李愛林、鄺卓毅、張顥霖、馬智洪、方紹聰、黃獎，以及歌手周吉佩、鍾柔美、曾傲棐、施匡翹、華浩然一同進行切蛋糕儀式，祝願MBO TV收視爆紅！而5位歌分別向節目主持人送上禮物。
全媒體網絡電視MBO TV成功開播，身為台長的啤梨坦言感到非常開心，「我好驚喜，知道反應好熱烈，原來呢個年代，大家唔只鍾意聽，仲鍾意睇，今日正式啟播，係一件開心事，因為我哋正式進入全媒體，對我嚟講，更加意義重大，新城畀咗一個機會我做呢個重任，我做咗電台咁耐，做過唔同類型嘅節目，不論遊戲、深宵、傾偈、後生仔節目等等，財經台都有節目，但做電視就真係冇試過，諗都冇諗過，而今次好順利，希望畀到驚喜大家；而家我哋有好多MＶ睇，喺試播之後，各大唱片公司都好支持我哋，想喺MBO TV做推廣，所以大家可以睇到好多好正嘅Music video，真係好難得，因為每個Music video嘅成本都好高，我要賣個關子，遲啲將會有神秘嘉賓嘅特備MV音樂特輯。」
提到觀眾現時可透過MBO TV看到主持人做節目，會否有扮靚贊助？啤梨笑說：「呢個梗係要啦，我都要廣大呼籲全港任何贊助商，對於想贊助我哋MBO TV，歡迎埋嚟，喺未有贊助商之前，我已經贊助咗一個風筒畀青姐（胡孟青），青姐好得意，原來佢每次開咪之前先吹頭，因為要上鏡吖嘛，好好笑，希望遲啲有化妝品、服裝、髮型贊助，咁就好喇，我好期待呀，聽聞已經有贊助商有興趣，歡迎大家埋嚟！」
對於MBO TV成功開播，周吉佩直言很開心，「而家睇到，有埋節目，對於歌手嚟講，係一個好好嘅宣傳平台。（如果你有份做主持，你想邊類型節目？）我想做旅遊節目，有得吃喝玩樂，但係我比較鍾意體驗式，（同馬生傾下？）直頭同佢做個體驗式嘅旅遊節目，因為我同佢相識多年。」
至於曾傲棐這個年青歌手，認為由聲音發展至影像，感覺很新鮮，「我都好想睇，因為我係歌手，對聲會有好多想像，前排有幸參與新城嘅廣播劇，睇下會唔會有可能有個畫面版呈現番出嚟？同埋以後派台可以派埋MＶ，多個途徑宣傳。」
MBO TV節目包羅萬有，包括新城廣播「鎮台之寶」薛家燕與范振鋒、思敏主持的《開心大派對》；知訊台台長程凱欣和麥卓華主持的《原來生活好快樂》；譚玉瑛與何基佑、黃筠兒、麥皓兒主持《QK玉瑛室》；范振鋒、張顥霖、馬智洪主持《Bilibala開大喇叭》；黎莉主持《搵黎搞村》及《勁爆樂勢力》；T.MAX與JY主持《Z世代咪高峰會》;李紫昕主持《紫昕有你Wonderland》：思敏主持《「思」家運動.營》；林潔瑩與柯創盛主持三台聯播《民生無小事》；林潔瑩、何民傑主持《財知大道》、魏美珍、胡孟青主持《開市直擊》；林淑敏、李穎琳主持《日常智庫-智識ESG》; 朱明亮《師傅講港股》；鄺卓毅主持《散戶奇兵》等。至於新節目則有，由倪詩蓓及李愛林主持、論盡娛樂圈八卦新聞的《娛樂圈魔鏡》；《MBO TV MV大放送》、《歷史也流行》，以及將於8月中推出，由魏美珍、胡孟青、林淑敏主持的《財智三女俠》；美股財經節目《北美回歸線》。
收看「新城廣播全媒體網絡電視MBO TV」的方法：
可前往新城廣播網址：https://mbo.metro.hk/
或者
下載「新城廣播」app
圖片：新城
