羅啟豪（Ramon）日前在社交平台分享，在日本大阪和京都旅遊的片段，此行除了拍MV外，當然少不了食、玩、瞓、在大阪舞洲海濱公園的粉蝶花祭，不過最特別的，是他抱住兩隻迷你豬，笑到見牙唔見眼！
Ramon憶述指，飛赴當地後，天公不造美，雨曬個不停，他只好打消前往特色小店的想法，尋找合適的室內活動。當時他在一間迷你豬咖啡館，第一次看到迷你豬，Ramon顯得非常開心，他說：「平時我好少探訪動物餐廳，今次呢兩隻豬好唔怕人，一嚟就坐咗落我大髀度，呢兩豬都好乾淨，但係兩隻嘅性格都好唔同，一隻溫柔啲，一隻惡啲。雖然落雨要取消原定計劃，但係有佢哋同我『相依為命』，我覺得『塞翁失馬，焉知非福！』。」
提到Ramon此行的目的，是為其自家頻道MV取景，他說：「今次已經係自家頻道『歌曲重Sung』系列嘅第六隻歌，好想有機會喺外地取景。之前幾次登台都夾唔到時間做拍攝，於是就堅決要完成自己心願。」向來喜歡大自然的Ramon，在計劃行程期間，留意到正值大阪一年一度的粉蝶花祭，這個花祭的特別之處，是一年只得一個月，園內會有100萬朵淺藍色粉蝶花盛開，Ramon於是決定以此為MV背景，期望為他的自家頻道『歌曲重Sung』系列歌曲《My Heart Was Home Again》（原唱者為美國歌手Josh Groban）帶來一個既夢幻又浪漫的畫面。
