由香港動漫電玩節大會指定全媒體「新城廣播」，新城知訊台主辦「《Z世代咪高峰Show》@香港動漫電玩節」，今天（26日）假灣仔會展舉行，除了「Z世代咪高峰會」兩位主持T.MAX(海淦清) 和JY現身外，還有ANSONBEAN、羅毓儀、林沚羿、周卓盈、蘇凱倫、CotaBoii、曾傲棐、VIVA、MATCH及OneUp。活動中，林沚羿和蘇凱倫以Cosplay示人，而T.MAX獻唱早前推出新歌《大細路》。
林沚羿打扮成Akali League of Legends的造型，「本身買咗個假髮返嚟，邊邊位唔係咁好睇，喺後邊剪咗一大束出嚟，然後再重組黐番喺假髮嘅前面，所以都整咗一個星期，其實都唔係好滿意，因為時間有限，做出嚟嘅效果都唔係咁理想。」
至於蘇凱倫以動漫《和山田進行場LV999的戀愛》的女班長「椿由香里」造型現身，「前排拍MV嘅時候，準備咗幾套校服，之後知道要嚟動漫節，發現呢套衫同呢個女角色好襯，所以借花勁佛，着住呢套衫嚟。」她笑言每年都來動漫節，每次都會大出血，「最犀利嗰次用咗4位數字尾，我都唔敢話畀屋企人聽。」
ANSONBEAN雖然未有Cosplay，但他預告稍後會以Wolverine cosplay，快閃鬧市拍Reels。喜愛動漫的羅毓儀，今日未有Cosplay打扮，她笑說：「因為我今日要唱新歌《日落時》，所以我要去返容易認到我嘅狀態，不過《日落時》會有全新嘅版本，配合返動漫節，所以係期間限定。」而周卓盈表示過往都有行動漫節，看看其他人如何Cosplay，她說：「因為我尊敬佢哋，知道佢哋會花好多心機，假髮、衫，都唔少錢。（鍾唔鍾意睇動漫？）我鍾意睇《會長是女僕女人》，基本上兩年會翻睇一次，可能我鍾意女主角粗粗魯魯。」
CotaBoii指自己是個動漫迷，疫情前，差不多每年都會去動漫節，「我會同班friend扮鬼扮馬，一齊着蜘蛛俠嘅衫。（由細開始鍾意動漫，邊個角色係最深刻？）高達同福音戰士，因為爸爸都好鍾意機械人，我哋會一齊砌模型，所以我同爸爸都有好多話題。（有冇帶爸爸去日本睇高達？）我都好想，但我月入未夠6位數。」由賀邦（Bronny）及智弘（Oscar）合組的OneUp，Bronny表示喜歡《HUNTER×HUNTER》，而Oscar就迷 《海賊王》。
此外，VIVA在台上獻唱新歌《DTR》，對於張敬軒（軒公）借出發跡屋給VIVA做女生宿舍，她們笑言會擔心整爛軒公的珍藏，所以無時無刻都要小心翼翼！
圖片：新城
