「新城廣播劇团」相隔10年再次重新啟動,先後連環推出《不如見一面》及《天花板人生》。適逢8月是新城廣播的台慶月,於是製作第三部廣播劇《共創未來》,邀請了6位歌手陳柏宇、泳兒、陳健安、黃妍、力臻、Van@Nowhere Boys聲音演出。
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-16.54.12-scaled.jpeg)
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.35-6.jpeg)
今天(25日),新城廣播為廣播劇《共創未來》舉行發布會,除了劇團團長程凱欣、副團長葉碧梅、新城廣播藝人經理人及項目總監范振鋒、製作人Terry Wu現身外,6位歌手亦有出席各自解構其角色。
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.35-19.jpeg)
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.35-20.jpeg)
在劇中,陳柏宇飾演的男主角Gary,是一位程式設計員,由於經濟不景氣被公司裁員,每天租用共享空間做辦公室接生意,同時認識也在共享空間工作、由泳兒飾演的設計師Vivian,他們譜出一段情緣;而陳健安飾演的PC,因為陷害Gary令他失掉工作而遭到割蓆,後來二人冰釋前嫌;其他演出者包括飾演路飛的Van@Nowhere Boys、飾演Lolita的黃妍、飾演失業股票經紀鍾文的力臻、飾演Ms Mo的麥皓兒、飾演勞老闆的范振鋒和飾演董小姐的譚玉瑛。
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.36-1.jpeg)
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.35-12.jpeg)
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.35-1.jpeg)
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.33-2.jpeg)
提到與泳兒在共享空間譜出情緣,陳柏宇說:「讀書、返工都試過,(夠膽追人?)夠膽,有拍過拖㗎!」他指今次獲邀聲演台慶廣播劇,事前會讀熟劇本,不過都會爆肚,看看對手能否接得到,泳兒笑說:「我會讀熟劇本先,喺好熟嘅基礎下,可以放心地同佢哋爆肚。」對於台慶廣播劇《共創未來》,泳兒直言感到很創新,「有啲人揸住車追呢個劇,都幾得意。」
![娛樂-新城廣播劇团-共創未來-陳柏宇](https://metro.hk/wp-content/uploads/2024/07/WhatsApp-Image-2024-07-25-at-15.27.36-16.jpeg)
陳健安雖然有聲演的經驗,但他表示錄音前會讀熟劇本,「我會諗下呢個角色會係點樣嘅裝扮,例如我平時唔戴錶,但我會諗呢個角色會戴錶、戴眼鏡,亦都會研究下啲衫,希望可以帶到自己入戲。」談到陳柏宇要爆肚,陳健安笑謂:「我最怕唔爆肚,呢個係最好玩嘅地方,我唔怕,直頭係鍾意。」Van向陳健安說:「有陳柏宇喺度,你唔使怕冇呢樣嘢,因為佢會不斷爆,如果你轉數唔夠快,係會答唔到佢啲嘢。」陳健安聞後表示十分期待。
至於黃妍在劇中為泳兒和陳柏宇做紅娘,她笑說:「喺現實生活中,我都會成日鼓勵朋友大膽啲,而我就未遇到值得我去告白嘅人。(擇偶條件好高?)高,去到頭頂,要善良、有才華、個樣不要太差,我鍾意高嘅男仔,所以我啲朋友叫我買定姑婆屋。」
台慶廣播劇《共創未來》將緊接《天花板人生》在知訊台《QK玉瑛室》節目下午2時30分,星期一至五連續兩星期播出,共20集,《Bilibala開大喇叭》節目時段重溫,敬請留意播放日期。
場地贊助:TOWNPLACE WEST KOWLOON
圖片:新城