張馳豪（Aska）在劇集《反黑英雄》飾演警察機動部隊警員李耀政，穿起制服來，不少fans大讚好有型，雖然Aska拍劇經驗不多，但他已經愛上了演戲，希望在演藝路上，嘗試演繹不同角色。近日，他在YouTube個人頻道中，上載《Aska演技大挑戰》全新環節，其中，他挑戰劉德華於1985年在電影《法外情》飾演「劉志鵬」一角。
在片段中，Aska穿上律師袍、假髮，重演「劉志鵬」為生母「劉惠蘭」涉嫌殺死嫖客在庭上辯護。Aska說：「頭先導演話要考我，講成兩分幾鐘嘅對白，要一Shot落，冇得Cut Shot，冇得轉機位，我諗大家今晚唔使收工，因為嗰段對白真係好長，I Can Do It！」
Aska選擇用閉目記憶法來背對白，可惜仍將對白讀到「甩甩Cut Cut」有時更忘記對白，他還將「絞刑台」讀成「繳刑台」；Askah力求進步，他先看Playback，看看除了對白外，還有甚麼地方需要改善，他說：「喺對白上仲爭少少，有好多唔同嘅層次，一開始係講而家社會嘅成個現象，所以係畀全部人，後面就變番想去打動呢班陪審員，我可以再做得好啲，一Take係好難。」到了最後一Take，Aska終於成功挑戰這場戲份，導演亦都收貨了，Aska說：「睇Playback可以睇到有咩要改進，越嚟越好，越嚟越可以進入到嗰個狀態，仲有知道有咩位係自己多餘，或者有啲地方控制唔到自己嘅身體，或者表情各樣嘢，可以即刻去修正。」
