周吉佩早前指9歲大的大女包包快將進入青春期，又爆包包喜歡冼靖峰（Archie），大讚對方好靚仔，要求爸爸跟Archie視像見面，吉吉曾笑指：「睇到阿女見到Archie嗰種少女心。」適逢包包生日，作為爸爸當然要有點表示，他決定給包包一個驚喜。
原來吉吉在包包不知情下，邀請了Archie出席包包生日會，當Archie出現在眼前時，包包一顆少女心盡現，表現冧爆，然後她說：「我要同Archie坐！」Archie走近包包身邊，包包向他揮一揮手，眼神一直望實Archie，兩人合照時，一起做出心形手勢，之後Archie更與包包玩自拍，包包笑到相當燦爛，吉吉忍不住說：「你冇咁樣笑過！死囉！」
事後，吉吉在社交平台Post包包與Archie合照，並留言道：「包姐終於同 @archie_sin第一次見面喇！包包好緊張，仲轉少女tone同偶像傾計…（真係頂佢唔順），再次多謝池仔送呢個生日驚喜包姐！」Archie留言回他：「包姐開心就好了！預祝生日快樂！！」
吉吉再Post Archie現身包包生日會的情況，吉吉留言表示：「唔知點解有種阿爸幫個女去約相睇嘅感覺！多謝@archie_sin幫忙，阿女已9秒9轉咗wallpaper，yeah!」
不少網民表示羨慕，紛紛留言，笑指吉吉地位不保，「9秒九9wallpaper都轉埋，老竇地位不保了」、「哇，少女心少女樣出晒來，爸爸你驚未」、「包包一定開心到唔使瞓」、「點樣先可以好似包姐咁生日同@archie_sin食飯？求賜教！」、「搞到我想做包包」。
圖片：IG@katchau86
