5子樂隊Locksmiths開鎖佬日前到新城廣播接受黎莉主持的《勁爆樂勢力》錄音訪問，成員主音大雄、結他阿東、低音結他Harry、鍵盤Eric及鼓手Tom，他們抵達電台時巧遇一班小學生，眾人看到幾位大哥哥表現得相當興奮，有小妹妹更大叫：「靚仔！」並即場摺了一個心心送給Harry，氹得Harry開心不已。
5子在節目上大談音樂，又宣傳新歌《我們都是這樣沒有長大的》，歌曲找來少爺占填詞，何兆基監製，歌詞充滿幽默感。Locksmiths首次與何兆基合作，表現得戰戰競競，「因為當時佢（何兆基）喺外國，我哋有時差問題，同埋第一次合作，佢係前輩，驚佢嫌我哋煩，所以唔係好敢問，不過旋律方面有咩唔明，我哋都有打電話問佢，佢畀好多支持我哋，令我哋克服好多壓力。」
直到進入錄音室，Locksmiths搞笑表示感到萬千寵愛，Tom激動表示：「以前我哋係一腳踢，依家有同事幫手，我哋可以咩都唔使理，可以專心打鼓。」拍攝MV方面，Locksmiths經驗尚淺，不過現場佈滿巨型撲克及玩具，玩味極濃，令他們輕易進入拍攝狀態，出來效果亦相當滿意。
