3位本地Rapper Cotaboii（黃泓祖）、Wanillacoco、J Jelly昨日在新城，接受由JY主持的《Gen Z 》之「Z世代咪高峰會」，而GooChan（陳澤鴻）則任嘉賓主持。Cotaboii早前推出新歌《兜圈圈》，講述在生活上遇到的事物。JY要求Cotaboii講多次歌名，Cotaboii口快快說：「《兜兜圈》……係《兜圈圈》，其實改歌名嘅時候，諗咗好耐，究竟用邊個好，《兜兜圈》聽落比較小朋友啲，好似《兜圈圈》勁啲。」Cotaboii指知道有人聽《兜圈圈》，已經感到很開心。提到新歌內有一把女聲，Cotaboii說：「當時我搵緊女聲，但我搵到一個網頁，可以將我把聲變成女聲，試下玩，覺得幾得意，都係做咗先，唔好諗咁多。」
Hip Hop的文化在香港，仍未致於大行其道，所以Cotaboii正學習怎樣在主流市場上，跟自己想要的東西取得一個平衡點，「最主要係過唔過到自己嗰關，點樣保持到自己帶出嚟嗰種態度，即係嗰種街頭的感覺，同時又可以擺到上電視畀所有人睇到，我覺得係小難。」
JY提到他們曾經參加過主流的選秀節目，內心有否掙扎過？Wanillacoco說：「玩Hip Hop嘅時候，係唔需要迎合，我發現好多香港人都鍾意聽Emo嘅歌，反而開心嘅嘢會冇咁鍾意，所以會有個取捨，盡量去攞個平衡。」Cotaboii則指當時發現自己跟其他參賽者非常不夾，「當我入到去，個個好似望奇珍異獸咁望住自己，但我都照做，不過我識咗佢哋，原來香港有咁多咁有才華嘅人，只係大家喺唔同方面。」
Wanillacoco與J Jelly推出新歌《夢寐》，與平時曲風有著不一樣，Wanillacoco說：「我不嬲都玩開比較Soul，或者R & B類型，今次試下House，其實一開始係有啲驚，諗緊可唔可以Carry到，寫呢首歌係諗緊主題，關於對愛情有憧憬，J Jelly係我一個好鍾意女歌手、女Rapper，所以搵佢feat呢首歌。」Wanillacoco大讚J Jelly寫歌速度超快，簡直是「神手」。
除此之外，J Jelly現時正在努力儲歌，希望儲到10首歌，待年尾推出。JY問她不擔心歌迷會來不及消化？J Jelly說：「開頭會覺得，所以係一期期，可能嗰期有幾首歌同feel啲，之後再轉，咁樣會好啲。」
