人稱「歌神」的張學友在80年代，參加《全港十八區業餘歌唱比賽》奪冠而入行，除了推出多首經典金曲外，更踏足電影界，先後參演多部電影，包括《旺角卡門》、《咖喱辣椒》、《亞飛與亞基》、《超級學校霸王》、《金雞2》等等，多齣作品的角色，至今仍令人津津樂道。
相隔8年，學友獲邀主演電影《海關戰線》，夥拍謝霆鋒、林嘉欣、劉雅瑟。在《海關戰線》，霆鋒更擔任動作指導，他為學友度身設計一些動作，雖然動作戲並非學友的專長，但他還是超額完成，邱禮濤導演和霆鋒均表示滿意，不過學友似乎不太有信心，他說：「我已經跟玲姐（化妝師）講，我以後都係拍番喜劇好啲！」
對於學友首天入組，第一場便要拍攝槍戰，為了應付這場戲，他特別請教駐場的槍械和爆破老師，了解開槍、揸槍和走位等動作，埋位前更特地跟動作指導多次練習，霆鋒大讚這位前輩的專業和用心，「學友哥嘅動作其實都好敏捷，你睇佢跪低，再爬起身開槍嘅連環動作係好爽，只係佢唔似我哋經常拍打戲，所以一定要warm up，但好快上手。」
不過，學友對自己的演出非常嚴謹，每拍完一take就問霆鋒和邱導演，自己的表現如何？霆鋒戲弄學友說：「唔使擔心，將你嘅動作加快三格（所指影片的速度）就冇問題！」學友聽後即鬆一口氣：「可以加快三格？不過我以後都係拍番喜劇好啲，輕鬆得多！」霆鋒指學友的要求太高。
學友透露，今次拍《海關》的文戲和武戲都很平均，兩者都極具挑戰性，慶幸遇上的兩位專業對手霆鋒和林嘉欣，讓他很快投入和完成每一場戲，學友說：「打打殺殺當然落喺霆鋒身上啦，但佢呢位動作指導真係好稱職，好有心思嘅設計同指導我每個動作演出，令我覺得自己嘅身手都唔賴；至於合作無間嘅嘉欣，繼續好有默契，自己有好幾場內心戲嘅演繹，都要花咗啲時間情緒醖釀嘅配合，因為戲中嘅角色係一個比較黑暗面嘅人，對我而言係一次高難度挑戰，當完成一刻，都好滿足同鬆一口氣！」
