《中年好聲音2》的譚輝智、顏米羔和劉威煌最近合作拍MV，他們今次惡搞不少經典造型，例如扮莫生反智轉身；又模仿電影《食神》大隻仔；講《頭文字D》金句；抽古天樂水，大講車胎廣告金句；亦少不了黎明的「空肚食早餐」。
38歲的譚輝智在2018年結婚，與太太育有一子一女，他曾指囝囝很喜愛音樂，每當從電視看到爸爸唱歌表演，囝囝都表現得很雀躍。譚輝智指囡囡已經5歲大，所以女兒是爸爸的前世情人，他笑言仍然回味囡囡剛出世的一刻，「當年我喺手術室聽到囡囡第一聲喊聲，我都喊埋一份！ 」
至於與子女的最難忘的第一次，譚輝智說：「最難忘佢哋上完預備班，第一次真正返幼稚園送佢哋返學，好唔捨得，因為唔可以畀家長入去，我擔心佢哋唔適應。」所以如果有時間的話，譚輝智都會親自接送子女。
這個廿四孝爸爸，對於子女的每件事都十分上心，他說：「而家小朋友啲書包實在太重，因為佢哋返學要帶好多書，又要帶食物盒、餐具水樽，有時仲會偷偷地塞啲玩具落去，好搞笑！不過佢哋腰骨仲係發展中，會擔心書包太重會影響健康，所以有時都會幫佢哋孭書包。」談到親子家庭樂，譚輝智表示十分享受，他說：「平時會去公園，去多啲佢哋未去過嘅地方，最緊要陪伴，有時間就多啲相處。」
