TVB童星出身的莊錠欣（Elkie），曾是韓國女團CLC前成員，2021年退團後，往華語圈發展。今日，Elkie由台灣返港，第一個行程就是到新城廣播，接受由薛家燕、范振鋒和思敏主持的《開心大派對》訪問，宣傳國語新歌《沒有你的未來》，及第一首廣東歌《沒你在旁的後來》。
Elkie大約10、11歲時候，曾是薛家燕旗下學生少女組合Honey Bees成員，今次再見到家燕姐，她笑說：「我細個識佢嘅時候，到而家都係冇變過，同埋佢好有活力，好佩服，家燕媽媽見到我，就話『咁大個女，越嚟越靚喎，好犀利喎！』，其實我同家燕媽媽一直都有聯絡，我啲作品佢都有睇，
提到Elkie的廣東歌《沒你在旁的後來》，她透露自己作曲，小學同學幫手填詞，「呢首歌本身唔係講感情，我想講團圓，送畀韓國嘅成員，我又希望大眾有共鳴，所以我同我同學講，寫成講感情都OK，變咗大家都覺得情歌，失戀呀，其實唔係咁樣。」問她現時有沒有拍拖？Elkie笑說：「冇，真係冇，其實真係好難，咁多年，我都好頻撲，未來睇下有冇機會，但暫時真係唔諗住。（有冇追求者？）我諗幾時都有嘅，講笑啫，應該咁講，身邊都有好多表示欣賞嘅朋友，（你眼角高？）咁都講唔上低嘅，我覺得對方要善良，正能量，如果見到覺得對方好靚仔，咁一定唔係喇，（你唔係『外貌協會』成員？）咁都要順眼嘅，我要溫馴感覺，唔要熱情似火，因為會有危險嘅感覺。」
至於工作大計，Elkie被問到會否計劃開演唱會？她說：「今年11月生日，我會喺台北開一個fans見面會，到時就好似我一個『迷你音樂會』，我希望大家都可以嚟！」
圖片：新城
