女子組合Beanies成員陳樂頤（阿左）、周卓盈（Mic）和羅振峰（Vincent）昨日在新城，接受由T.MAX（海淦清）及JY主持的《Gen Z》之「Z世代咪高峰會」訪問。對於Vincent早於3月時，在社交平台上載一條邀請陳慧琳（Kelly）評論其新歌的片段，他當時指自己是膽粗粗，「我問Kelly可唔可以畀你聽下我首歌，佢話『好呀，冇問題』，真係好開心。」
早前，Vincent還擔當了韓星鄭秀妍（Jessica）fans見面會的主持，被T.MAX笑他是「追星族天花板」，Vincent解釋：「本身我好鍾意唱歌，平時又有做主持，加上我都識講韓文，知道Jessica會嚟香港做FanMeet，我就諗可以用下韓文呢個技能，然後上個禮拜就遇上Jessica，係一個好好玩嘅一晚。我有朋友喺主辦公司做，問我有冇興趣做，我梗係𦧲飯應，上台嗰刻，嘩，女神喺隔籬，我成日都話同女神嘅距離，永遠都係1080p（影片顯示格式），但真人就喺面前。」
提到3人早前先後推出將感情放下的歌曲，Mic在2月推出歌曲《玩偶奇遇物語》，Vincent於3月推出單曲《床下的悲傷》，他說：「男仔係麻甩佬性格，另一伴唔開心，可能買紮花氹番佢，但其實歸根究底，件事係未解決，不停用甜蜜去掩蓋住，個問題咪收埋喺床下底，有啲嘢解決唔到就係解決唔到。」Mic笑說：「現今的我同以前唔係好一樣，嘗試磨合但磨合唔到，我同阿左識咗好耐，當我分手嘅時候，我同阿左講，阿左就會好輕輕氹下我，因為佢估到過咗一個禮拜就會一齊番。」
而阿左在本月初亦有新作《中二式戀愛》，講述另一伴有「中二病」，她指雖然自己接受到，但都要看看對方能否懂得愛其他人，兩人一起時，亦要作出改變。
