林奕匡（Phil）與太太李靄璣（Rikko）今年2月，分別在社交平台宣布懷孕的喜訊，兩口子留言表示很開心及感恩，得到這份最珍貴的禮物。近日，Phil接受《新城八大家》訪問時，他表示將面貼近太太的肚皮時，感覺很神奇。
Phil透露BB出世後，一定會幫手照顧BB，「而家籌備緊要買啲乜嘢，同埋要準備嘅嘢，睇住個肚越嚟越大，我會同佢（BB）傾偈，摸吓佢，有日我去聽吓BB嘅心跳，將塊面擺去太太肚皮度，Feel到BB好似摸我塊面咁，好神奇呀！」問到有沒有報讀育嬰班？林奕匡笑說：「我哋想，但發覺好難夾時間，就咁上網睇片教學會比較方便啲。」說起BB時，Phil一臉慈父的樣子，旁人亦感受他的喜悅心情。
日前，Phil和Rikko在社交平台，出Post宣布這胎是男仔，Phil以英文留言：「「我們非常高興地宣布我們將要生一個男嬰！這是多麼特別的一周，既是我的生日，也是父親節。這是有史以來最好的禮物！我唯一的願望就是寶寶健康，我們可以給他世界上所有的愛。」而Rikko則留言寫道：「It’s a BOY，我哋手中嘅鞋仔，話說有25年歷史，係我teenager嘅時候開始收藏的，當時實在覺得佢哋好可愛，同埋都幻想將來會有個仔仔，可以同佢一齊打波做運動。It’s such a blessing，We can’t wait to meet him…（這真是一種祝福，我們迫不及待想見到他…… ）最後好感恩真係天公作美，近日一直下雨，好彩都順利影到呢輯相。」
