羅啟豪（Ramon）日前在中環街市內，舉行首次街頭演唱《相信 相信 • 羅啟豪 Believe in Ramon Lo Busking Tour》，先後唱出廣東歌、國語歌和英文歌，除了吸引不少豪殼（Ramon Fans暱稱）到場欣賞外，更惹來中外遊客圍觀，現場幾乎逼爆了人。
席上，他邀請《中年好聲音》好友李佳合唱《當愛已成往事》，並且分享比賽期間合唱這首歌時的趣事，演唱至尾聲時，Ramon預備唱最後一首歌，全場豪殼捨不得離開，並要求安歌，Ramon只好順應他們，唱出比賽時的成名作《疾風》。
Ramon表示希望藉住這個計劃的第一站，實踐自己的個人願望，他說：「因為有屋企人一手一腳打理細餐廳，所以知道經營小店有幾困難，加上知道疫情為香港經濟帶嚟唔少衝擊，所以平時盡量幫襯小店以及本地品牌。中環街市入面就有好多咁樣嘅商店，特別係佢本身係一個被活化咗嘅歷史建築物，所以我好鍾意呢度，入行前都成日嚟。好開心今次唔單止可以同我嘅豪殼一齊探訪呢度，仲竟然可以喺呢度演唱畀咁多人聽，真係非常之有意義。
圖片：大會提供
