剛過去的TVB《萬千星輝頒獎典禮2023》憑台慶劇《破毒強人》再次勇奪視帝的陳豪(阿Mo)早前接受娛樂新聞台《星光路上》的專訪,大談入行30年感受,仲趁機多謝太太陳茵媺…
陳豪又爆愛妻宣言:「我想畀一個喜悅佢」
阿Mo 2007年憑《溏心風暴》「得得地」一角成為雙料視帝,談到相隔16年再奪最佳男主角寶座,陳豪坦言心情更平靜及更有信心。陳豪續指雖然抱著一定信心,但在正式宣布賽果前心情仍難免戰戰兢兢,直到在太太陳茵媺(Aimee)手上接過獎項才定下來,笑言從太太手上接過獎項份外感激:「係好special,難得由我太太頒畀我,其實最想我攞獎嗰個反而係佢。我嘅壓力係……我都想畀一個喜悅佢,但唔敢肯定畀唔畀到佢!最後宣布結果嗰吓我係開心嘅,再開心係能夠喺太太手上攞呢個獎。」
![](https://metro.hk/wp-content/uploads/2024/02/1-10.png)
![](https://metro.hk/wp-content/uploads/2024/02/11-1.png)
親揭當年放棄做模特兒真相
入行30年的阿Mo在演藝之路曾歷高低,如今相隔多年第二度再奪得視帝自然感受與第一次有所不同,阿Mo形容現時自己「目光不僅只在獎項上」,最重要是為自己印證了走上演戲道路是正確的,並謙稱當年得獎有運氣成份:「依家(我)能力係咪去到好高,唔係,但16年前個獎的確大過自己。係咪演得唔好,又唔係;係咪演得最好,都唔係,嗰時運氣比較好。」阿Mo憶述當年由模特兒踩入電影圈,起初其實是抱著搵錢心態「雙線」發展,後來有感當模特兒既空虛又不實在,故才專心向演戲進發。萬事起頭難,阿Mo加入電影圈後發展並不理想、就在感到心灰意冷之際,阿Mo獲行內人提議加入TVB,並靠著努力一步一步捱到今天。阿Mo分享要在娛樂圈闖出一片天,信心與堅持缺一不可:「娛樂圈係好虛無嘅嘢,能夠闖出一片天空出嚟,可能係十年後、甚至廿年後(嘅事),睇你自己嘅信心同堅持到幾耐。」
![](https://metro.hk/wp-content/uploads/2024/02/3-7.png)
曾獲珍姐提點發奮讀報紙練聲 自嘲《妙手仁心II》常插袋全為扮有型
陳豪又指當年因聲帶有瘜肉動過手術以致聲沙,之後獲現為戲劇製作助理總經理的曾勵珍(珍姐)親自提點當演員必須調較好聲線;自此阿Mo不斷練習讀報紙,甚至鑽研眼神演技等。談到事隔多年選擇以沙啞聲線演繹患有末期肺癌的「文華」,阿Mo坦言是博一舖:「觀眾受就受,唔受就唔受。」
阿Mo自爆不太敢翻看自己以往影視作品,自嘲自己在首部TVB劇集《妙手仁心II》中經常「插袋」扮有型外;在首部古裝劇《洛神》又幾乎每一句對白都NG 50次以上,幸獲同劇鄭子誠提點;他又笑言曾將「瞻前顧後」講成「擔前顧後」,相當搞笑。最後,「愛妻號」陳豪隔空向Aimee發表愛的宣言,感謝對方願意於事業黃金期時選擇結婚、為他生兒育女,並直言自覺虧欠太太:「我好支持佢出嚟拍戲,尤其小朋友開始大,想佢追求番自己夢想。」
![](https://metro.hk/wp-content/uploads/2024/02/6-4.png)
![](https://metro.hk/wp-content/uploads/2024/02/5-3.png)
![](https://metro.hk/wp-content/uploads/2024/02/4-5.png)