黃劍文（Kimman）和葉巧琳（Mischa）昨日在新城接受由T-Max（海淦清）主持的《得閒High Tea》訪問，對於兩人將於8月合演一部以張國榮為主題的音樂劇 《為你鍾情》「Café I Do – The Leslie Cheung Musical」，Kimman表示場數已加至8場，如反應再好，會考慮再加場。
在音樂劇中，他們除了會獻唱全新主題曲《盡頭重遇你》外，還會演繹廿多首張國榮的作品，Kimman說：「我好鍾意哥哥（張國榮）嘅《我》，呢首歌嘅歌詞好鼓勵到我，而且哥哥嘅聲線好吸引，佢啲重低音好輕，（有冇學哥哥啲唱腔？）曾經都學過嘅。」Mischa指自己最近再次欣賞張國榮的電影作品，覺得很有好看，又性感又不羈，「而家睇返依然唔會覺得out，覺得好正，佢嘅魅力之處就可以永恆！」
提到兩人因合作而熟絡起來，Mischa笑指Kimman性格很慢熱，不多說話，但現在變得活潑又開放，Kimman笑言被對方打開了心房。問到Mischa會否為Kimman物色一位合適的女朋友？Mischa說：「佢外表雖然好靜，但其實好搞笑，可能氹到女仔，我估佢鍾意可愛型嘅女仔，不過我唔知佢嘅感情經歷，要再探索一下！」Kimman就自爆喜歡活潑、開朗、陽光型的女仔。
