姜大衛（John哥）昨日在新城接受由薛家燕、范振鋒及思敏主持的《 開心大派對》訪問，雖然家燕姐和John哥是童星出身，但原來兩人從未合作過。John哥透露8月將到內地拍電影，屆時太太李琳琳也會同行陪伴。
父親節將至，John哥表示會食飯慶祝，問到兒子姜卓文（細John）會否攜同女友CC出席？他說：「唔知佢會帶邊個嚟，但佢應該得到我嘅遺傳，就係專一，哈哈哈！」有否與細John聊「女人經」？John哥笑說：「呢方面冇得管亦冇得教，要靠自己嘅經驗，作為老竇嘅，其實都係睇外表，好與唔好都係個仔嘅體驗，不過佢一向對另一半都唔錯，只係對呢個女朋友特別好，可能大家嘅嗜好好相近，都係鍾意跳舞同埋唱歌，所以佢哋好合拍。」
John哥指太太對CC有讚無彈，續說：「我都覺得呢個女仔好幫到我個仔，佢好多笑容，對長輩亦都好親切，都OK呀，不過我因為經常要做嘢，所以唔係經常見面，但係我太太應該感受更多。」
