陳柏宇（Jason）日前在新城廣播，接受由葉文輝（啤梨）主持的《梨事會》訪問，宣傳最近推出的新歌《唞》。Jason除了工作外，在家還要幫手照顧兩個女兒Abigail和Audrey，他幾乎每天都會在社交平台，直播與女兒食早餐，原來是為了與兩個女兒製作一個珍貴回憶。
不知不覺，Jason出道已經18年，他先後參與各類型大大小小的演出，雖然富有舞台經驗，但原來到現在，Jason每次出台都會感到緊張，不禁令啤梨十分詫異，「吓！咁耐以嚟你咩騷都做過，都仲緊張？」Jason表示：「係呀，大大小小嘅場都會緊張，可能當時有幾場騷，第一場緊張頭7、8首歌，第二日緊張3、4首歌，第三日1、2首歌就得。」
他指緊張時會心跳加速，從而影響個人從容的程度，啤梨問他是否最緊張會影響演出質素？他說：「呢個係其次，係唔知唱歌時隻手放喺邊，好多嘢都要顧，綵排嘅時候，我從來唔會諗我自己要做乜，只需要理把聲唱得好唔好。（係咪有偶包？）唔關事，係表演肢體方面，我好想望住個地下唱歌，好想鍾意點行就點行。」
