姜麗文（Lesley）日前在新城，接受由黎莉主持的《勁爆樂勢力》節目訪問，宣傳她的全新作品《要說快樂太虛偽》，今次Lesley用英文填上歌詞，再交給填詞人Oscar負責翻譯成中文歌詞，Lesley說：「用咗20分鐘就完成，我寫嗰時好唔開心，一邊寫一邊喊，但點解喊就唔講喇！」
過往，Lesley寫了不少出色的歌曲，包括《I AM WOMAN》和《爸爸放心我出嫁》，而新歌《要說快樂太虛偽》雖然只用了鋼琴伴奏，配以Lesley悅耳的歌聲及扣人心弦的歌詞，就連她自己亦被觸動到，Lesley說：「歌詞想帶出唔使強迫自己快樂，唔使迫自己成日咁有活力，有時做人，就算全世界同你講move on，做唔到就係做唔到，要接受自己。大家知我曾經患上抑鬱症，呢個係我經歷，希望呢首咁慘的歌可以治療到大家。」
在失落時，Lesley選擇以寫歌抒發情緒，有時還要強忍淚水，她說：「我錄《要說快樂太虛偽》嘅時候，係要忍眼淚，因為一喊就錄唔到，但一完咗我就好似好放鬆咁。」除了寫歌外，Lesley亦會寫日記和寫詩去發洩，而開心的時候，她會繪畫，「例如今日同老公去約會，我會畫兩個人同心心，但唔會畫得太仔細，寫詞就會寫得長啲，因為唔開心時靈感就會多啲。」
