由姜咏鑫（Ada）、張鈊貽（ValC）、李晞彤（Carina）及馬思惠（Macy）組成的女子組合VIVA，今日在新城接受訪問，宣傳出道歌《Topic Killa》，英皇娛樂集團營運總裁霍汶希（Mani）全程傍實，而新城廣播首席營運總監馬浚偉向來支持新人，他亦專誠為她們打氣。
至於她們在隊中擔任甚麼角色，Ada是姐姐角色，經常照顧其他3位，ValC是跳舞擔當，Carina負責為大家發言、亦是康樂組組長，而Macy則是唱歌擔當。本身4位不太相熟，所以相處時都需要時間去磨合，Carina說：「一定要，因為我哋4個嘅性格都幾唔同，Ada相對係沉穩啲、冷靜啲，ValC有時好鍾意同人玩，有時比較外向啲，但有時又好需要獨處嘅空間，Macy就比較失魂啲，而我就陽光啲。」
當知道自己能夠獲選入女團的一刻，Carina坦言與Ada是喜極而泣，ValC說：「我知自己唱歌能力未夠，所以我好驚要自己一個上台表演，有女團我就安心啲，可以互補不足。」對於之前在韓國受訓期間，ValC表示辛苦到喊，「我相信我哋每個上唱歌堂都有喊，因為唱歌唔似跳舞，跳舞可以望住塊鏡，但唱歌完全見唔到，喺晒個喉嚨度，加上如果唔明老師講乜，當下就好想喊。」Ada亦認同擔心做得不好而感到很大壓力。
VIVA對於出道歌，簡直期待已久，今日終於面世，會該如何慶祝？她們笑得十分開懷，Macy急不及待叫了出來：「有芝士蛋糕！」ValC續說：「今朝Carina話好想要一個出道蛋糕，但Mani同我哋講『淨係可以要一個用紙做嘅蛋糕』。」Carina接著表示：「其實我都預計得到，因為Mani都係叫我哋減肥多，所以我諗住偷偷地食，但我哋食晏嘅時候，突然出現一個芝士蛋糕，仲要係Mani捧入嚟，所以非常之驚喜。」Mani不滿意她們身形？ValC指因要上台演出，故一定要保持狀態。
提到現時有很多女團，例如After Class、Me&、Beanies、LollyTalk、COLLAR等等，VIVA坦言不擔心，因她們各有不同的分擔。
圖片：新城
