在無綫處境劇《香港81》飾演陳積一角的顏國樑，大前晚（25日）因癌症導致肺炎，令呼吸急速而離世，享年71歲。顏國樑在2022年與「順嫂」梁葆貞現身無綫台慶，他透露患上第三期鱗狀細胞癌，低音聲帶被腫瘤壓住，他隨即接受接受化療及免疫治療，情況一度好轉，本月初更攜同顏太霍潔貞亮相節目，想不到不夠一個月，顏國樑就離開人世。
顏國樑生前接受訪問，他透露早於2013年已參加了香港大學的大體老師計劃，「當年喺網上見到大體老師嘅片段，我覺得好有意義，我雖然讀書唔多，但我做嘅嘢，喺社會上都有好多功德，我喺邵氏出道，跟住喺香港電台播音，由1969年播到1977年，為市民服務，跟住我轉咗警隊，我又為市民服務，跟住再轉電視，畀歡樂大家，又係為市民服務，包括我教太極，畀大家健康，我就諗將來我走，我呢個臭皮囊又臭唔晒，有用有貢獻，好過餵鷹吖，我咪畀班學生玩吓囉！」
在圈中，除了顏國樑外，還有資深演員陳振華和鄺佐輝同樣做了大體老師，遺愛人間。
2015年12月，資深藝員鄺佐輝因大腸癌離世，終年59歲，原來他生前已登記中大無言老師遺體捐贈計劃，其家人按其遺願捐出遺體作醫學教學用途。鄺佐輝生前接受傳媒訪問時表示，「我已經決定將來不幸過身會捐出器官，但始終患過癌，身體可以捐嘅器官已經唔多，所以我同太太商量過，希望可以將遺體捐出，供大學喺醫學上研究之用，希望憑自己小小嘅力量幫助其他人，幸好太太聽完之後都覺得相當有意義。」
2018年1月，70年代電視藝員、曾演無綫經典劇集《啼笑姻緣》的陳振華病世，終年78歲，其家人遵照其當大體老師的遺願，將遺體捐出。
