由新城廣播藝人經理人及項目總監范振鋒（Ricky）主持的《新手DJ大鳴聲》，請來許靖韻（Angela）初試啼「聲」做DJ，首次做DJ的Angela指自己在少女時代時甚少聽電台，所以對DJ工作相當陌生。
在直播室內，Angela對每個步驟都感到很好奇，有時更來不及反應，只是「哦……哦……」示意明白，Ricky於是向她傳授技巧，指DJ要做足功課，尤其是做一晚節目至少要安排好10首歌，Angela問到在做通宵節目時，有沒有人試過聽到睡著了？Ricky直答：「梗係有啦，我都試過！」Angela聽後即哈哈大笑，Ricky自爆說：「一個人做深宵節目，都會趁播歌嘅時候小休一會，離開飲杯水或者去洗手間，總會揀選一首歌嚟播，就係《Hotel California》嘅11分鐘現場版，我嗰陣時啱啱入電台做，呢隻歌係用嚟救命，11分鐘做乜都得！」
Angela這位新手DJ挑選了新歌《望年月》，除了因為曲風未曾嘗試過外，原來歌曲有深層意思：「Hello，大家好！我係許靖韻Angela，你而家聽緊嘅就係我嘅新歌《望年月》，咁呢首歌希望大家珍惜眼前人！」
經歷一個小時的做DJ體驗，Angela指自己雖然有出現手腳不協調及有懶音問題，但整體覺得自己頗為適合做DJ，因為有不少朋友以「騎呢」去形容她，喜歡跟身邊人分享生活趣事，她說：「我覺得自己幾鍾意講嘢嘅一個人，我幾鍾意去share！我個腦有啲似一個電話，有啲片段我會記得佢，然後同人share。」
最後Angela更與聽眾分享近日出差時遇上「黑的」 經歷，她笑說：「我竟然搭到黑的，呢一單嘢係我最近發生過最離譜嘅一件事，但我啲friend就話，係咪因為我個人騎呢，所以先會遇上啲咁騎呢嘅事！」
圖片：新城
