陳健安最近新歌《戀愛腦之死》,今次他與賴映彤共同作曲及監製,Oscar負責填詞兼擔任MV導演。由於《戀》歌講述為爭奪心愛女孩,安仔不惜化成妖怪,更有場激烈的打鬥戲,上演神魔大戰。特技化妝師為安仔精心炮製妖怪造型,需要戴上超大直俓的隱形眼鏡,在配戴過程中不停流眼淚,安仔笑言這條「成魔之路」認真不簡單!
![娛樂-明星-陳健安-戀愛腦之死](https://metro.hk/wp-content/uploads/2024/05/DSC04102-scaled.jpg)
![娛樂-明星-陳健安-戀愛腦之死](https://metro.hk/wp-content/uploads/2024/05/DSC04109-scaled.jpg)
許月湘獲邀擔任MV女主角,她與安仔再度合作,湘湘表示:「相對上次MV,今次同安仔有好多對手戲,仲為咗我嘅角色瞓身演出。」安仔隨即向鏡頭展示沾滿污泥的手臂說:「呢啲唔係妝嚟㗎,真係泥,係我趴落地整到咁。」他解釋:「喺MV入面我好鍾意佢,我係為咗佢化成妖怪,至於結局係點?就要睇MV啦!」另外他們拍攝深情對望和擁抱時,最初不停爆笑,結果導演「下令」他們深呼吸,冷靜下來才可繼續,非常搞笑。
![娛樂-明星-陳健安-戀愛腦之死](https://metro.hk/wp-content/uploads/2024/05/DSC03695-scaled.jpg)
安仔於MV中的妖怪造型非常吸睛,身上的鱗片以至每道傷痕均由特技化妝師精心打造,而額上的角更加要倒模度身訂造。他說:「隻角係3D打印出嚟,個底要有個座。事先要去倒模攞額頭嘅孤度,先會整得貼服同靚。」安仔還需配戴17mm超大直俓的隱形眼鏡,他坦言是一大挑戰。他說:「呢個比平時『大眼仔』大好多,原本仲有一對更大,完全睇唔到眼白。而家呢對已經好難戴,戴咗十幾分鐘,流晒眼淚,唔慣同好驚,結果都戴到,效果仲幾好,可以減齡。」
![娛樂-明星-陳健安-戀愛腦之死](https://metro.hk/wp-content/uploads/2024/05/DSC05666-scaled.jpg)
首次在鏡頭前打交是一個挑戰,拍攝前,安仔特意跟武術指導學習對打動作以及妖怪的肢體形態。安仔憶起練習過程時笑說:「我開頭諗住試下妖怪咁行,點知出到嚟似喪屍多啲,多謝武指教咗我啲動作之後真係型好多。」
![娛樂-明星-陳健安-戀愛腦之死](https://metro.hk/wp-content/uploads/2024/05/DSC05732-scaled.jpg)
其中一位武術指導更親身上陣,飾演MV中的重要角色「大天使」。拍攝當日天氣炎熱,「大天使」要全程蒙面演出兼拍攝打戲,安仔大讚對方非常專業。他說:「今日30幾度,佢要包晒全身,真係好熱、好辛苦。」二人於對打期間發生小意外,安仔不慎被對方手上的珠鏈打到左眼,幸好並無大礙,順利完成拍攝。為慰勞一眾台前幕後,安仔更萬歲請食糖水,全場拍手歡呼。