組合per se加盟香港Sony Music後推出新歌《也許沒有未來神》,並由成員Sandy和Stephen共同作曲、編曲及監製,二人接受新城黎莉主持的節目《勁爆樂勢力》錄音訪問,透露新歌《也許沒有未來神》是去年計劃的延續,Sandy稱:「歌詞係我喺聖誕節之後寫,寫足10日,其他人寫歌中間可能會休息,但我真係寫足咁多日。」
![娛樂-明星-per se-壓力](https://metro.hk/wp-content/uploads/2024/05/433220402_18422296693025970_6277529393351385924_n.jpg)
![娛樂-明星-per se-壓力](https://metro.hk/wp-content/uploads/2024/05/組合Per-se接受黎莉右訪問3-scaled.jpg)
Sandy在節目中透露新歌主題是為一班年青人打氣,向他們輸送滿滿正能量,她說:「嗰期有好多新聞講啲學生輕生,所以就好想寫首歌去陪伴同畀啲力量學生,好記掛佢哋,而自己寫歌時一直諗,點樣可以幫到一班學生舒緩,但同時又不會太離地,要代入番佢哋嘅身分去做。」
主持黎莉問到創作時可有遇到阻滯?Sandy說:「就係要畀啲咩出口佢哋,開頭自己都寫到好似冇出口咁…我有個同學係中學老師,佢都知讀書係好大壓力,問佢作為老師,覺得學生需要乜?點解會輕生?佢答可能係情感、或者屋企、或者讀書方面,朝住呢個方向去諗,再諗吓自己,終於發現以前完全冇諗過10年後會做音樂,原來每個人嘅出口,就喺好遠處,要繼續相信先走到終點。」
![娛樂-明星-per se-壓力](https://metro.hk/wp-content/uploads/2024/05/二人組合Per-se-的Sandy、Stephen2-scaled.jpg)
per se今次邀請麥曦茵導演為新歌MV執導,黎莉形容MV甚有《愛麗斯夢遊仙境》的感覺,某些鏡頭會很暗黑,Stephen指麥曦茵在拍攝MV前,曾詢問他們是否怕火或怕水?他稱:「我其實拍咩角色都得,路人都得。」Sandy則說:「佢有問我怕唔怕火,我話驚,但乜都得,所以有射『火箭』鏡頭。」