新城廣播有限公司首席營運總監馬浚偉先生成立的《新城體育會》，昨晚（8日）再次舉辦羽毛球活動，新城廣播知訊台台長程凱欣、新城體育會組長思敏，與歌手施匡翹（Zaina）、黎展峰、獨立樂隊Charming Way主音張明偉及隊友黃嘉麟切磋球技，齊齊出身汗之餘，繼續在運動中互相深入了解。
馬浚偉看到張明偉和黃嘉麟即表示有留意他們的樂隊，令二人開心不已。面對幾位幹勁十足的男生，馬浚偉輕易而舉將他們逐個揮低，開波期間，馬浚偉對住張明偉表示：「我玩音樂冇你哋咁叻，但打羽毛球就唔同。」張明偉連番接不住，頻頻要彎腰執波，就連鞋帶都甩埋，馬浚偉笑笑口說：「你諗住綁鞋帶拖延時間？」張明偉聞後即忍不住大笑。
事後，張明偉大讚馬浚偉，他道：「一直都知道馬生係羽毛球好手，喺電視台未有機會合作，終於可以同馬生打羽毛球，梗係要嚟朝聖，我哋行內都知佢好有名，打得好好，成個選手咁。我細個有玩羽毛球，但稱唔上叻，今日嚟捱吓波打，出身汗大家都開心。」提到近況，張明偉透露最近正積極籌備6月推出的新歌及MV的拍攝，新歌主題是講生死，「人離不開生老病死，或者朋友移咗民，有好多離別，雖然慢慢會習慣，但都要抒發情緒，所以就創作咗呢首歌鼓勵身邊人。」
曾參演由馬浚偉監製的勵志劇《我們的畢業禮》的Zaina，獲馬浚偉大讚：「都接得住個波喎！」Zaina表示中學沒有接觸過羽毛球，反而較喜歡瑜珈和跳舞，她說：「我記得拍《我》劇時，有一場戲係同馬生、湯寶如前輩一齊打羽毛球，重拾番感覺。」提到運動，Zaina試過因跳舞而受傷，最後更要退出表演環節，她說：「我係臨表演前練習，練練吓聽到大髀位置啪一聲，教練話我條筋裂咗，我當時仲擔心以後跳唔到舞，休養咗差唔多一個月先復原。」
圖片：新城
