洪助昇（Aiden）、許靖韻（Angela）和張天穎（Jaime）今日在新城，接受由T.MAX（海淦清）主持的節目《Gen Z》之「Z世代咪高峰會」訪問，席間，知訊台台長程凱欣（Karen）在節目中途突然捧著生日蛋糕走入直播室，送上蛋糕補祝Angela 5月5日生日，Angela感到十分驚喜又感動！Angela見到Jaime即雞啄唔斷，原來是想邀請對方亮相其YouTube頻道《私心歌單》擔任嘉賓，問到會否談感情事？Angela說：「平時私下好鍾意問人哋感情嘢，但係都要睇對方想唔想公開地講！」
提到Jaime在今年2月被男友陳毅燊（ANSONBEAN）公開戀情，當時已預告準備見家長，Jaime說：「見過，其實我第一次見佢爹地、媽咪係喺一個跳舞show，我要表演，佢哋係觀眾。（私下呢？）都有食過飯，（ANSONBEAN父母對你印象如何？）要問番佢哋，我未夠膽面對，我希望我係好啦！」
Aiden上月推出新歌《你不是我的岸》，由於其中一句歌詞「無奈我心太軟」，是要多謝歌迷一直的支持，「佢哋由我參加《全民造星II》，一直等到我出道，我上一首歌相隔好長時間，佢哋都等咗好耐，我諗住搞個活動，整心太軟畀佢哋食。」
原來Aiden是位整甜品高手，他透露：「我以前讀家政，係全班第二，我輸畀女同學一分，我最叻係整蛋糕，因為我為食。（有冇整過甜品畀女朋友？）我冇呀，我都想，前題係要有女朋友先有甜品，（冇拍過拖?）有，但之前係Long D。（母親節快到，會唔會整畀媽咪？）我媽媽好鍾意食蛋糕，但唔鍾意食太甜，所以我都研究緊；不過母親節嗰日，我會帶媽媽出去食海鮮，佢會好開心，（怕你整污糟廚房，所以寧願出去食？）我多數搞到佢啲鑊花晒，佢會鬧我。
